سائبرآباد پولیس نے 1,100 گمشدہ یا چوری شدہ موبائل فون کا سراغ لگایا

حیدرآباد: سائبرآباد پولیس نے سنٹرل ایکوپمنٹ آئیڈینٹی رجسٹر (سی ای آئی آر) پورٹل کا استعمال کرتے ہوئے شہریوں کے کئی لاکھ مالیت کے کل 1,100 موبائل فونس کا سراغ لگایا ہے، جو یا تو چوری یا گم ہوگئے تھے۔ برآمد ہونے والے فونز ان کے مالکان کے حوالے کر دیے گئے۔ عہدیداروں نے بتایا کہ سائبرآباد پولیس کے دائرہ اختیار میں سی ای آئی آر کی مدد سے شہریوں کے گمشدہ یا چوری شدہ موبائل فونس کا پتہ لگانے کے لئے خصوصی ٹیمیں تشکیل دی گئی ہیں۔ "جن موبائل فونز کا سراغ لگایا گیا ہے ان میں رپورٹ شدہ کیسز اور سی ای آئی آر پورٹل کے ذریعے میو سیوا ایپلی کیشنز شامل ہیں۔ تلنگانہ کے علاوہ، خصوصی ٹیموں نے دیگر ریاستوں بشمول کیرالہ، اتر پردیش، مہاراشٹر، کرناٹک، تمل ناڈو، آندھرا پردیش سے موبائل برآمد کیے ہیں،" کے نرسمہا، ڈی سی پی (کرائمز)، سائبرآباد نے کہا۔ مختلف مقامات پر شہریوں کے فون یا تو چوری ہو گئے یا گم ہو گئے۔ سائبرآباد پولیس کے عہدیداروں نے مسافروں سے درخواست کی کہ وہ اپنے سامان کے بارے میں محتاط رہیں اور اگر کوئی موبائل فون چوری ہوتا ہے تو فوری طور پر ویوب سائیٹ

پر لاگ ان کرکے سی ای آئی آر پورٹل میں آئی ایم ای آئی نمبر والے اپنے موبائل فون کو بلاک کردیں۔ حکام نے کہا کہ متبادل طور پر، جن شہریوں کے موبائل گم ہو گئے ہیں، انہیں فوری طور پر قریبی پولیس سٹیشن سے رابطہ کرنا چاہیے تاکہ سی ای آئی آر پورٹل کا استعمال کرتے ہوئے آئی ایم ای آئی کو بلاک کیا جا سکے۔