بیرسٹراسد الدین اویسی کےخلاف ہندو فریق کی داخل درخواست عدالت میں مسترد

گیان واپی مسجد معاملہ میں بیرسٹر اسد الدین اویسی صدر کل ہند مجلس اتحاد المسلمین و رکن پارلیمنٹ حیدرآباد اورسماج وادی پارٹی سربراہ اکھلیش یادو سمیت دیگر کے خلاف مقدمہ درج کرنے کے مطالبہ کو لے کر داخل درخواست پر زیر التوا نظرثانی عرضی ایڈیشنل ضلع جج ونود کمار کی عدالت نے خارج کر دی ہے۔ درخواست میں ان قائدین پر سماج میں نفرت پھیلانے کا الزام لگایا گیا تھا۔ نظرثانی درخواست دہندہ ہری شنکر پانڈے نے اکھلیش یادو اور اسد الدین اویسی کے بیان کو ‘ہیٹ اسپیچ’ کے زمرے میں مانتے ہوئے الزام لگایا گیا تھا کہ ان قائدین نے غیر مہذب اور غیر قانونی بیان دے کر ہندو سماج کے خلاف نفرت پھیلانے کا مجرمانہ فعل انجام دیا ہے۔